Zhbllokohen programet e strehimit social
26/10/2011 Nis verifikimi i listave për programin e kredive të lehtësuara e banesave sociale me qira
Nuk priten ndryshime për aplikimet, formulari plotësohet pranë njësive vendore
Nis puna për sistemimin e dosjeve që do të përfitojnë nga programet sociale të strehimit në kryeqytet. Për shkak të përplasjeve politike disamujore, një numër i konsiderueshëm dosjesh që ishin klasifikuar për përfitim mbetën peng i mosrealizimit të mbledhjeve të këshillit bashkiak të administratës së mëparshme. Burime pranë këshillit bashkiak bëjnë me dije se tashmë kjo procedurë është zhbllokuar dhe se në mbledhjen e radhës të këshillit pritet të kalojnë për miratim listat e përfituesve sipas aplikimeve të bëra. Njëkohësisht konfirmohet se komisioni i strehimit në këtë institucion do të kalojë në sitë të gjitha kërkesat e bëra nëpërmjet dosjes së dorëzuar nga qytetarët në mënyrë të vazhdueshme, çka do të thotë se të gjitha kategoritë që plotësojnë kriterin e duhur të ardhurave do të kalojnë direkt për miratim në këshillin bashkiak e më pas do të konkretizohet procedura e lidhjes së kontratave të përfitimit dhe marrëveshjes me bankën e përzgjedhur. Në çdo rast përzgjedhja e familjeve që do të trajtohen me strehim nga komisioni përkatës do të bazohet në aftësinë paguese të familjeve që kanë nevojë për strehim dhe për ndihmën e shtetit, sipas sistemit të pikëzimit të caktuar. Sipas këtyre burimeve, procedura e aplikimit për përfitim nga këto programe nuk do të pësojë ndryshime, çka do të thotë se të gjitha familjet e pastreha të kryeqytetit mund të aplikojnë pranë njësive të tyre vendore duke tërhequr dhe plotësuar formularin specifik, në të cilin do të hidhen të gjitha të dhënat e kërkuara mbi të ardhurat dhe modalitetet e përfitimit. Çdo e dhënë e plotësuar në këtë formular do të shoqërohet me listën zyrtare të dokumentacioneve faktuese, të cilat janë të ndryshme sipas llojit të trajtimit. Kusht për të përfituar do të jetë plotësimi i nivelit të ardhurave, që specifikohen në varësi të llojit të programit dhe përbërjes së familjes që kërkon strehim. Tri janë programet që do vijojnë të ofrojnë strehim social në kryeqytet: ai i banesave sociale me qira, ku përfshihen banesat që ndërtohen apo blihen nga tregu i lirë nga bashkitë e që jepen me kontratë qiraje; banesat ekzistuese në pronësi të personave fizikë e juridikë, të cilat janë klasifikuar nga organet e qeverisjes vendore si banesa sociale; objektet e dala jashtë funksionit, që kanë kaluar në pronësi të bashkive dhe janë miratuar për t’u kaluar në fond banesash sociale me qira në përputhje me planin rregullues urbanistik. Programi i dytë është i banesave kosto të ulët, si dhe programi i pajisjes së truallit me infrastrukturë. Vetëm për programin e strehimit me kosto të ulët janë në plan për t’u dhënë rreth 1000 kredi për familjet që plotësojnë kriterin e të ardhurave.
Fluksi i kërkesave
Sigurimi i banesave sociale me kosto të ulët rezulton të jetë programi më i kërkuar nga të pastrehët në kryeqytet. Sipas të dhënave të raportuara, deri në mbyllje të vitit të kaluar mbi këtë program janë bërë mbi 4500 aplikime, ndërsa për programin e banesave sociale me qira rreth 2 mijë aplikime, si dhe qindra kërkesa të bëra për tokë të pajisur me infrastrukturë. Njësitë bashkiake nr. 5, 11 dhe 9 paraqesin fluksin më të lartë të kërkesave
Kreditë e lehtësuara
Për të përfituar nga ky program aplikuesit duhet të plotësojnë kriterin e të ardhurave në varësi të përbërjes së anëtareve të familjes. Për familjet që në përbërje kanë 1-2 persona, niveli i të ardhurave mujore shkon nga 31 007 deri 51 249 lekë, për familjet të përbëra nga 2-3 nga persona 41 865–65 964 lekë, për familjet me 3-4 persona 54 153– 84 035 lekë, ndërsa për familjet me më shumë persona kërkohen 68 585–107 142 lekë të ardhura.
Nuk priten ndryshime për aplikimet, formulari plotësohet pranë njësive vendore
Nis puna për sistemimin e dosjeve që do të përfitojnë nga programet sociale të strehimit në kryeqytet. Për shkak të përplasjeve politike disamujore, një numër i konsiderueshëm dosjesh që ishin klasifikuar për përfitim mbetën peng i mosrealizimit të mbledhjeve të këshillit bashkiak të administratës së mëparshme. Burime pranë këshillit bashkiak bëjnë me dije se tashmë kjo procedurë është zhbllokuar dhe se në mbledhjen e radhës të këshillit pritet të kalojnë për miratim listat e përfituesve sipas aplikimeve të bëra. Njëkohësisht konfirmohet se komisioni i strehimit në këtë institucion do të kalojë në sitë të gjitha kërkesat e bëra nëpërmjet dosjes së dorëzuar nga qytetarët në mënyrë të vazhdueshme, çka do të thotë se të gjitha kategoritë që plotësojnë kriterin e duhur të ardhurave do të kalojnë direkt për miratim në këshillin bashkiak e më pas do të konkretizohet procedura e lidhjes së kontratave të përfitimit dhe marrëveshjes me bankën e përzgjedhur. Në çdo rast përzgjedhja e familjeve që do të trajtohen me strehim nga komisioni përkatës do të bazohet në aftësinë paguese të familjeve që kanë nevojë për strehim dhe për ndihmën e shtetit, sipas sistemit të pikëzimit të caktuar. Sipas këtyre burimeve, procedura e aplikimit për përfitim nga këto programe nuk do të pësojë ndryshime, çka do të thotë se të gjitha familjet e pastreha të kryeqytetit mund të aplikojnë pranë njësive të tyre vendore duke tërhequr dhe plotësuar formularin specifik, në të cilin do të hidhen të gjitha të dhënat e kërkuara mbi të ardhurat dhe modalitetet e përfitimit. Çdo e dhënë e plotësuar në këtë formular do të shoqërohet me listën zyrtare të dokumentacioneve faktuese, të cilat janë të ndryshme sipas llojit të trajtimit. Kusht për të përfituar do të jetë plotësimi i nivelit të ardhurave, që specifikohen në varësi të llojit të programit dhe përbërjes së familjes që kërkon strehim. Tri janë programet që do vijojnë të ofrojnë strehim social në kryeqytet: ai i banesave sociale me qira, ku përfshihen banesat që ndërtohen apo blihen nga tregu i lirë nga bashkitë e që jepen me kontratë qiraje; banesat ekzistuese në pronësi të personave fizikë e juridikë, të cilat janë klasifikuar nga organet e qeverisjes vendore si banesa sociale; objektet e dala jashtë funksionit, që kanë kaluar në pronësi të bashkive dhe janë miratuar për t’u kaluar në fond banesash sociale me qira në përputhje me planin rregullues urbanistik. Programi i dytë është i banesave kosto të ulët, si dhe programi i pajisjes së truallit me infrastrukturë. Vetëm për programin e strehimit me kosto të ulët janë në plan për t’u dhënë rreth 1000 kredi për familjet që plotësojnë kriterin e të ardhurave.
Fluksi i kërkesave
Sigurimi i banesave sociale me kosto të ulët rezulton të jetë programi më i kërkuar nga të pastrehët në kryeqytet. Sipas të dhënave të raportuara, deri në mbyllje të vitit të kaluar mbi këtë program janë bërë mbi 4500 aplikime, ndërsa për programin e banesave sociale me qira rreth 2 mijë aplikime, si dhe qindra kërkesa të bëra për tokë të pajisur me infrastrukturë. Njësitë bashkiake nr. 5, 11 dhe 9 paraqesin fluksin më të lartë të kërkesave
Kreditë e lehtësuara
Për të përfituar nga ky program aplikuesit duhet të plotësojnë kriterin e të ardhurave në varësi të përbërjes së anëtareve të familjes. Për familjet që në përbërje kanë 1-2 persona, niveli i të ardhurave mujore shkon nga 31 007 deri 51 249 lekë, për familjet të përbëra nga 2-3 nga persona 41 865–65 964 lekë, për familjet me 3-4 persona 54 153– 84 035 lekë, ndërsa për familjet me më shumë persona kërkohen 68 585–107 142 lekë të ardhura.