Zhduket në brigjet e Brazilit një aeroplan pasagjerësh i firmës Air France

Një aeroplan pasagjerësh i firmës ajrore Air France me më shumë se 200 njerëz në bord u zhduk në bregdetin e Brazilit.

Një zëdhënës i forcës ajrore braziliane tha se një mision kërkim-shpëtimi filloi në orët e para të mëngjesit rreth 300 kilometra larg bregdetit verilindor të Brazilit pasi aeroplani humbi kontaktet e rregullta radiofonike me kullën e vrojtimit.

Autoritetet thanë se aeroplani Airbus A-330 me 216 pasengjerë dhe 12 anëtarë të ekujpazhit po udhëtonte nga Rio de Xhaneiro drejt Parisit.

Njoftimet e para rreth zhdukjes së aeroplanit erdhën nga Parisi rreth një orë pasi fluturimi 447 duhet të ishte ulur në aeroportin Çarlls de Goll të kryeqytetit francez.     (ze)