Zjarr në metro të Moskës, mbi 30 të lënduar

 Një zjarr në linjën e metros Sokolnicheskaya të Moskës detyroi evakuimin e 4 mijë e 500 njerëzve dhe shkaktoi mbylljen e përkohshme të linjës.

Autoritetet ruse njoftuan se zjarri nisi të mërkurën pasi një kabllo elektrike mori flakë në tunelin mes Okhotnyt dhe stacionit Biblioteka e Leninit.

Autoritetet thanë se zjarri u shua në mëngjes. Zjarri thuhet se ka shkaktuar një tym të madh dhe se mbi 30 persona janë lënduar./Indeksonline/