Zotërimi nga e keqja

Janë publikuar në internet sekuencat e para të horror filmit "Possession" (Zotërimi), që është xhiruar në bazë të një rrëfimi të tmerrshëm por të vërtetë.

Filmi merret me agoninë e një familjeje amerikane pasi që, gjatë një ankandi në një oborr shtëpie, vajza e tyre gjen një kuti të vjetër dhe e hap, pa e ditur se në të “banon” vetë zanafilla e së keqes.

Babai dhe e ëma e saj pastaj i bashkojnë forcat për ta shpëtuar të bijën nga kthetrat e së keqes.

Regjinë e filmit e ka bërë Ole Bornedal, ndërkohë që në rolet kryesore shfaqen Natasha Calis, Jeffrey Dean Morgan dhe Kyra Sedgwick.

Filmi është paraparë të lëshohet në kinema në fund të muajit gusht.