Zyrtarët kosovarë: Kontrabanda po vjen në rënie

Zyrtarët theksojnë se tregues i rënies është rritja e mbledhjes së taksave nga mallrat që hyjnë në Kosovë. Shkak për rënien është edhe vendosja e EULEX-it, e cila ka ngushtuar në pikat doganore mundësinë për hapjen e rrugëve të kontrabandës.

Por, ekspertë të shumtë të kësaj fushe deklarojnë se pjesa veriore e Kosovës vazhdon të mbetet vendi me kritik përsa i takon kësaj dukurie. Edhe vetë Policia e Kosovës vlerëson se rruga më e lehtë për të futur në Kosovë mallra pa taksa është kufiri me Serbinë.