Çfarë gëzimi! Policët italianë festojnë kapjen e mafiozit (FOTO)
Policët në një qytet të vogël italian shpërthyen në brohorima pasi kapën një boss të mafias, që kishte qenë në arrati prej 15 vitesh. Michele Zagaria, 53 vjeç, u kap nga oficerët e armatosur që përdorën një buldozer dhe një vinç për të hyrë në bunkerin sekret nëntokësore ku fshihej.
I ashtuquajturi Capastorta kryembrapshti, e kishte marrë këtë emër për shkak të reputacionit të dhunshëm. Ai ka qenë kumbari i një prej klaneve më gjakatarë në Itali.
Zagaria ishte një nga shefat kryesorë të klanit të Kazalezëve- një nga familjet më të frikshme të Kamorras.
Policia zbuloi se Zagaria jetonte në një bunker të fshehtë të nëndheshëm, në qytezën e tij të lindjes, Kasapeneza, pranë Napolit.
Drejtues i klanit të fuqishëm të Casalesi-t, Zagaria është dënuar me disa dënime të përjetshme në mungesë, për akuzat e vrasjes, trafikut ndërkombëtar të drogës, korrupsionit dhe kanosjes ndaj bizneseve.
Ndërkohë, Ministrja e Brendshme e Italisë, Anna Maria Cancellieri, e cilësoi arrestimin e tij si një sukses të madh për shtetin dhe një goditje e rëndë jo vetëm për klanin Casalesi, por edhe për organizatën e Kamorës në përgjithësi.
Klani i Casalesi është një prej disa rrjeteve kriminale që formojnë organizatën e Kamorës, dominuese në krahunën e Napolit dhe përreth.
Zagaria i ka kaluar vitet e arratisë pranë shtëpisë së tij pasi bosët e mafias mund të ushtrojnë ndikimin e tyre vetëm në një mjedis që i mbron ata, u shpreh prokurori Piero Grasso.
