Çifti britanik fiton 190 milionë euro në lotari (FOTO)

Adrian Bayford, 41 vjeç dhe gruaja e tij, Gillian, 40 vjeç, kanë mundur që të fitojnë plot 190 milionë euro në lotari. Të emocionuar pas fitimit të lotarisë, ata thanë se fillimisht, me paratë e fituara do të dërgojnë fëmijët e tyre në Disneyland afër Parisit, të vizitojnë Rocky Mountains dhe të blejnë një shtëpi të re.

Çifti pohoi se kjo është një shumë e madhe dhe për këtë arsye do ta ndajnë edhe me të afërmit e tyre. Është një shumë aq e madhe parash sa që nuk mund të jetë vetëm për një person, u shpreh Gillian.

Me paratë e fituara, tashmë ata hyjnë në listën e personave më të pasur në Britani, përkrah yjeve të muzikës si Tom Jones apo Eric Clapton.