"Durres-Kukes", Teliti: Nuk njohim akt-ekspertimin

Ne nje kohe qe 6 dhjetori eshte data e fundit e kerkuar nga Prokuroria e Pergjitshme per konkluzionet e hetimeve mbi dosjen Rreshen-Kalimash, njeri nga te pandehurit e kesaj ceshtjeje, Armand Teliti e konsideron veten te pafajshem duke kerkuar mbylljen sa me te shpejte te hetimeve.

Madje Teliti bashke me te pandehurin tjeter, ish-drejtorin e Drejtorise Juridike, Andi Toma, e cilesojne te pavlefshem edhe akt-ekspertimin e eksperteve kontabel qe ka nxjerre demin ekonomik.

"Ne i kemi thene prokurorise qe nuk kemi asnje koment se nuk ka te beje me akte qe jane te ekspertuara nga ne. Cdo akt eshte i paarsyeshem dhe i paligjshem", u shpreh Teliti.
 
Akt-ekspertimi i Pellumb Ahmetajt dhe Zenun Katanes del ne perfundimin se me veprimet dhe mos veprimet e tyre ne procedurat e ndjekura per percaktimin e fituesit te tenderit per rrugen Durres-Kukes pa tunelin shtetit shqiptar i eshte shkaktuar nje dem ekonomik 230 milione euro.

Dy ekspertet, perpiluan per kater muaj raportin ne llogari te hetimeve duke mos u marre me diferencate cmimeve dhe ofertave, por vetem me konstatimin e vleres se ndertimit te segmentit Durres- Kukes.

Sipas tyre investimi ne total per Durres-Kukes kap vleren e 1 miliarde e 23 milione eurove. Por ata i jane referuar gjithashtu nje krahasimi ne kostot per te nxjerre abuzimet.

Armand Teliti ish zevendes-minister i Transporteve ndersa Andi Toma ish drejtor Juridik ne kete ministri akuzohen te kene shperdoruar detyren dhe ushtruar ndikim te paligjshem tek vartesit.

Por pervec hetimeve per ta te drejtuara nga prokurori Arben Kraja, nga ana tjeter e kane paditur perfaqesuesin e Prokurorise se Pergjithshme per zgjatjen e afateve te hetimeve.

Ne seancen e pare ishin prezente te dy paditesit, por mungesa e krajes u be shkak per shtyrjen e gjyqit. Ne nje njoftim zyrtar Prokuroria e Pergjithshme njoftoi se prokurori Kraja nuk kishte dijeni per daten e seances, pasi ai ndodhet jashte vendit per arsye pune.