zv/kryeministri Ilir Meta nisi një vizitë treditore në Bruksel

Zëvendëskryeministri dhe ministër i Jashtëm i Shqipërisë, Ilir Meta ka udhëtuar për në Bruksel, ku pritet të diskutojë për çështjen e liberalizimit të vizave dhe marrjes së statusit të vendit kandidat për Shqipërinë. Sipas Ministrisë së Jashtme, për gjatë tre ditëve të ardhshme priten takime intensive me autoritetet e Brukselit, përfshirë dhe komisionerin për zgjerimin Olli Rehn, ku në vëmendje do të jenë çështja e liberalizimit të vizave për qytetarët shqiptarë dhe dhënia e statusit të vendit kandidat për Shqipërinë nga BE.Shefi i diplomacisë shqiptare viziton për herë të parë Bruskelin që pas ardhjes në këtë post pas zgjedhjeve të përgjithshme të qershorit.