Aksident i rëndë në Francë! Autobusi shkollor del nga rruga dhe përplaset me një pemë, dyshohet për viktima

Një autobus shkollor është përfshirë në një aksident të rëndë rrugor mëngjesin e së premtes, në lindje të Francës. Autoritetet lokale dhe ministri i Arsimit, Edouard Geffray, kanë folur për viktima.

“Autobusi doli nga rruga dhe u përplas me një pemë brenda një kanali”, deklaroi për Agjencinë Franceze të Lajmeve (AFP) kryetari i bashkisë së komunës së Linit, Yves ChrEtien. Ai bëri të ditur se dy persona pësuan arrest kardiak, ndërsa raportoi edhe për shumë të plagosur.

Aksidenti ndodhi rreth orës 07:00, në rrugën rajonale D22, sipas kryetarit të bashkisë. Ai sqaroi se në vendngjarje kanë mbërritur dy helikopterë dhe është aktivizuar plani bashkiak i emergjencës, ndërsa një komunë fqinje ka marrë përsipër pritjen dhe akomodimin e familjarëve të personave të përfshirë në aksident.

Lajme të Sugjeruara