Aksident i rëndë në aksin Fier-Ballsh, plagosen tre të mitur
Një aksident i rëndë është regjistruar mbrëmjen e kësaj të premte në aksin rrugor “Fier-Ballsh”, në fshatin Plyg.
Një 15-vjeçar drejtonte një automjet, por ka humbur kontrollin mbi drejtimin e tij, duke bërë që makina të dalë nga rruga.
Si pasojë e aksidentit janë plagosur drejtuesi i mjetit dhe dy pasagjerët e mitur, përkatësisht 13 dhe 14 vjeç. Të tre të miturit janë transportuar në spital, ku po marrin ndihmën e nevojshme mjekësore.
“Rreth orës 21:00, në aksin rrugor “Fier-Ballsh”, në fshatin Plyg, një shtetas 15 vjeç, banues në Mbyet, duke drejtuar automjetin dyshohet se ka humbur kontrollin mbi drejtimin e automjetit i cili ka dalë nga rruga.
Si pasojë janë dëmtuar dy pasagjerët 13 vjeç dhe 14 vjeç, banues në Mbyet, si dhe vet drejtuesi i mjetit, të cilët ndodhen në spital, në kujdesin e mjekëve.
Grupi hetimor po punon për zbardhjen e rrethanave dhe përcaktimin e shkakut të aksidentit”, thuhet në njoftim.
/vizionplus.tv