Aksident tragjik në Francë, treni përplaset me kamionin, humb jetën makinisti, plagosen 27 persona

Një tren i shpejtësisë së lartë është përplasur me një kamion ushtarak. Ngjarja e regjistruar në veri të qytetit Arras, në Francën veriore, ka shkaktuar vdekjen e menjëhershme të makinistit, ndërsa janë plagosur 27 persona.

Lajmi është njoftuar nga SNCF (përgjegjëse për transportin e pasagjerëve me karbon të ulët në Francë dhe Evropë përmes zgjidhjeve të lëvizshmërisë së gjelbër) dhe autoritetet lokale.

Aksidenti u regjistrua mëngjesin e sotëm (7 prill) rreth orës 07:00 në një kryqëzim hekurudhor.

Deri më tani, as SNCF dhe as autoritetet nuk kanë dhënë sqarime të mëtejshme mbi shkaqet e incidentit.

Qarkullimi i trenave në këtë zonë është pezulluar dhe pritet të rifillojë të paktën deri nesër në mbrëmje.

/rtsh.al/