Armëpushim me SHBA pas kërcënimit të Trump, Irani hedh poshtë propozimin! Ja përgjigjia

Agjencia e Tehranit bëri të ditur se i ka përcjellë përgjigjen e saj Shteteve të Bashkuara përmes Pakistanit, i cili konsiderohet një ndërmjetës kyç në këtë proces.

“Ne nuk do të pranojmë thjesht një armëpushim,” deklaroi Mojtaba Ferdousi Pour, kreu i misionit diplomatik iranian në Kajro, në një intervistë për Associated Press të hënën.

“Ne pranojmë vetëm përfundimin e luftës, të shoqëruar me garanci se nuk do të sulmohemi më.”

Kjo përgjigje vjen përpara afatit të vendosur nga Presidenti i SHBA-së, Donald Trump, për nisjen e bombardimeve ndaj infrastrukturës energjetike dhe objekteve të tjera strategjike në Iran.

LEXO EDHE: Pesë kërcënimet e Donald Trump për Iranin/ A do të jetë “dërgimi në Ferr” i fundit?

Ky qëndrim tregon se Irani nuk është i gatshëm të pranojë një zgjidhje të përkohshme, por kërkon garanci më të forta dhe afatgjata që do të adresonin shkaqet rrënjësore të konfliktit.

Theksi mbi heqjen e sanksioneve sugjeron se aspekti ekonomik mbetet një pikë kyçe në negociata, ndërsa kërkesa për siguri në Ngushticën e Hormuzit lidhet drejtpërdrejt me stabilitetin e tregjeve ndërkombëtare të energjisë.

Përgjigjja e Iranit sinjalizon një qasje më të ashpër në negociata dhe mund të vështirësojë arritjen e një marrëveshjeje të shpejtë, duke e zhvendosur fokusin drejt një zgjidhjeje më gjithëpërfshirëse dhe afatgjatë për rajonin.