Avokati i popullit kërkon minimumin jetik, Shabani, askush s’mund të jetojë pa 220 euro në muaj

Minimumi etik mbetet një borxh i vjetër social i shtetit shqiptar, i cili duhet të miratohet sa më parë nga Kuvendi.

Ishte kjo deklarata e avokatit të popullit në raportimin e tij përballë komisionit për të drejtat e njeriut dhe mjetet e informimit për vitin 2025. 

“Sipas llogaritjeve të vetë institucionit tonë në bashkëpunim me Instatin, ky minimum sot do të ishte rreth 22.300 në muaj për frymë.”

Shabani vlerësoi rritjen e pagës minimale dhe pensioneve, por u shpreh se kjo vazhdon të mbetet një masë e pjesshme për sa kohë nuk kemi një prag ligjor të minimumit jetik. 

“Shqipëria vijon të jetë i vetmi vend në rajon që nuk ka miratuar ligjin për një minimum jetik. Realiteti i mbrojtjes sociale flet vetë, ku ne ende kemi pensione me 9–10.000 lekë dhe ndihmë ekonomike 9.000 lekë në muaj. Pra më pak se gjysma e minimumit që nuk kemi llogaritur,” tha ai. 

Në përfundim të raportimit Endri Shabani kërkoi Kuvendit shqyrtimin e projektligjit të ri organik për avokatin e popullit duke kërkuar zgjerimin e mandatit të veprimit edhe në sektorin privat.

/rtsh.al/