BRUKSEL – Von der Leyen: Evropa gjithmonë e gatshme për një marrëveshje të mirë tarifore

BRUKSEL, 7 prill /ATSH-DPA/ – Bashkimi Evropian i ka ofruar Shteteve të Bashkuara një marrëveshje për tarifa të barabarta për mallrat industriale, njoftoi sot presidentja e Komisionit Evropian, Ursula von der Leyen, disa ditë para hyrjes në fuqi të tarifave 20% për eksportet e BE-së.

“Evropa është gjithmonë e gatshme për një marrëveshje të mirë, kështu që ne e mbajmë atë në tryezë”, u tha Von der Leyen gazetarëve në Bruksel.

“Këto tarifa vijnë para së gjithash me kosto të jashtëzakonshme për konsumatorët dhe bizneset amerikane”, tha ajo, duke i quajtur masat tregtare “një pikë kthese të madhe për Shtetet e Bashkuara”.

Ndërsa shpresonte për një zgjidhje diplomatike, BE po përgatit kundërmasa dhe po krijon një grup pune për të monitoruar devijimin e mundshëm tregtar të shkaktuar nga tarifat e SHBA-së./ /os/