Dy persona të plagosur me lëndë plasëse në Përmet, dyshohet bombë e vjetër. Po kryenin punime në murin e një banese të vjetër

Dy persona kanë mbetur të plagosur mesditën e së mërkurës (3 prill) në fshatin Grabovë të Përmetit, pasi dyshohet se kanë rënë aksidentalisht në kontakt me një lëndë plasëse, dyshohet bombë e vjetër nga periudha të mëparshme.

Personat e plagosur, E. B., 38 vjeç, dhe M. K., 53 vjeç, janë transportuar për mjekim të specializuar në Spitalin Rajonal Gjirokastër dhe ndodhen në kujdesin e mjekëve.

Sipas Policisë, ngjarja u regjistrua teksa ata po kryenin punime në murin e një banese të vjetër në fshatin Grabovë.

Grupi hetimor vijon punën për zbardhjen dhe dokumentimin e plotë të rrethanave të rastit.

/rtsh.al/