Ermal Dredha firmos dorëheqjet e drejtorëve të bashkisë Vlorë
Kryetari i Bashkisë së Vlorës, Ermal Dredha, një ditë më parë ka firmosur dorëheqjet e të gjithë drejtorëve të bashkisë.
Takimi u zhvillua me dyer të mbyllura rreth orës 09:00 të ditës së martë në ambientet e bashkisë, ku Dredha ka firmosur dorëheqjet e 25 drejtorëve dhe përgjegjësve të institucioneve vartëse lokale.
Ky vendim vjen në kuadër të reformave që po ndërmerren për ristrukturimin dhe eficiencën e administratës vendore, si dhe për t’iu përgjigjur thirrjes së fundit të kryeministrit për përgjegjësi të reja në nivelet drejtuese.
Pritet që në ditët në vijim të zyrtarizohen edhe emrat e rinj që do të marrin drejtimin e sektorëve kyç në Bashkinë e Vlorës.
Mesohet se gjithsesi drejtuesit e dorëhequr do të vijojnë të mbeten në detyrë deri në emërimin e emrave të rinj në krye të institutioneve në varësi të bashkisë Vlorë.
Drejtorët e Bashkisë së Vlorës që kanë dhënë dorëheqjen pas takimit të kryeministrit Rama disa ditë më parë në ambientet e Bashkisë së Vlorës janë:
1-Zambak Selmanaj, drejtor i infrastrukturës dhe urbanistikes
2-Olsi Durrolli, drejtor i përgjithshëm i ekonomisë
3- Dorjan Demiri, drejtor përgjithshëm juridik
4- Kozma Mali, drejtor i financave
5- Jovan Jaupaj, drejtor i Aseteve
6-Arlinda Tepelena, drejtore e turizmit
7-Dorjan Xhelili, drejtor NSHP
8-Francesko Tozaj, drejtor i pastrimit
9-Endri Rrokaj, drejtor i gjelbërimit
10-Anila Hitaj, drejtore e shtëpisë së foshnjës
11-Irena Stasa, drejtore e shërbimeve sociale pranë bashkisë
12-Elida Grabova, drejtore e shtëpisë për personat me probleme mendore
13-Lorela Ballaj, drejtore e shtëpisë se fëmijëve me aftësi te veçanta
14-Sokol Kananaj, drejtor i tatimeve pranë bashkisë
15-Ardian Vreshtazi drejtor i emergjencave civile
16-Sokol Toto, drejtor teatri P. Marko
17-Genci Demiraj, drejtor i Pallatit të Kulturës
18-Laura Brinja, drejtore e burimeve njerëzore
19-Igli Zahaj, drejtor i IMT
20-Emiljano Ismalili, drejtor i policisë bashkiake
21- Elona Merkaj, drejtore e pallatit të sportit./vizionplus.tv