FRANCË – Identifikohet fushata ruse e dezinformimit që synonte presidentin Macron për skandalin Epstein
PARIS, 6 shkurt /ATSH-AFP/ – Një fushatë dezinformimi e lidhur me rrjetin rus ”Storm-1516”, që synonte të sugjeronte përfshirjen e Emmanuel Macron në skandalin Epstein, është zbuluar nga autoritetet franceze, konfirmoi sot një burim qeveritar.
”Viginum”, shërbimi përgjegjës për luftimin e ndërhyrjeve të huaja në internet, zbuloi operacionin të mërkurën.
Ai përfshinte “krijimin e një faqeje interneti që imitonte ‘France Soir”, ku u botua “një artikull që akuzonte presidentin Emmanuel Macron për përfshirje në çështjen Epstein”, deklaroi burimi, duke konfirmuar një raport nga BFMTV.
”Ky informacion i rremë u amplifikua më pas në X”, shtoi burimi./ a.jor.