“Goditjet do të vijojnë”, Irani nis sulme të reja ndaj bazave amerikane në Kuvajt

Ushtria iraniane tha të premten se kishte sulmuar bazat amerikane në Kuvajt dhe u zotua se do të vazhdojë me sulme të mëtejshme.

“Gjatë orëve të fundit, lloje të ndryshme të dronëve shkatërrues të forcave tokësore të ushtrisë kanë shënjestruar në numër të madh bazat ushtarake amerikane në Kuvajt”, tha ushtria, sipas televizionit shtetëror iranian.

“Këto sulme do të vazhdojnë në orët në vijim”, u shpreh ushtria iraniane. Teherani ka nisur një seri sulmesh të përditshme ndaj disa vendeve në rajon pas sulmeve amerikane dhe izraelite ndaj Iranit të shtunën, duke vrarë Ajatollah Ali Khamenein dhe figura të tjera të larta të regjimit.

Edhe pse Irani pretendon se po synon vetëm asetet amerikane në rajon, dronët dhe raketat e tij kanë goditur objektiva civile dhe infrastrukturore në incidente të shumta gjatë javës së kaluar. Raportet nga Irani tregojnë se Garda e saj Revolucionare (IRGC) – trupa ushtarake elitare që zakonisht i përgjigjet vetëm ajatollahut – kanë vepruar në mënyrë të pavarur sipas udhëzimeve të paracaktuara pas vdekjes së Khameneit.