Julian Shehu rinovon në Poloni/ Mediat në Varshavë shkruajnë për akord të lojtarit me klubin
Është padyshim ndër më të mirët. Julian Shehu prej dy sezonesh po spikat në Poloni, dhe duket se do të marrë shpërblimin e merituar.
Mediat në Varshavë shkruajnë se mesfushori i kombëtares shqiptare ka arritur një marrëveshje me klubin e tij, Vidzes të Lodzit, për rinovim të kontratës.
Nuk jepen shumë hollësi për akordin e ri, ndërsa I vjetri përfundon në qershor të vitit të ardhshëm, por e përditshmja “Przheglad Sportovi” shkruan se ky është një lajm I madh për tifozët, të cilët ishin të shqetësuar se Shehu mund të largohej.
Një portal I qytetit të Lodzit, që është media e tifozëve të Vidzevit, shkruan se klubi i ofroi shqiptarit dyfishim të rrogës, por ndoshta rritja e pagës mund të jetë edhe më e madhe.
Historia e mesfushorit të Shqipërisë në Poloni ka dy aspekte.
Njëri prej tyre është që Vidzevi besoi tek ai dhe e priti edhe pas një dëmtimi të rëndë që pësoi, ndërsa aspekti tjetër është që futbollisti ka qenë i shkëlqyer këtë sezon me 4 gola e 3 asistë në 10 ndeshje në Kupë e në Kampionat, ku sidomos ka qenë vendimtar në Ligën Ekstraklasa.
Edhe edicionin e kaluar Julian Shehu u paraqit si protagonist ndonëse është lojtar me detyra mbrojtëse, duke shënuar 4 gola e duke dhënë një asist në ligë.
/abcnews.al/