Kontroll i befasishëm në burgun e Durrësit, kapen 5 telefona celular, i përkisnin 3 të burgosurve

Në orët e mëngjesit të kësaj të shtune, 25 tetor, forcat operacionale të Drejtorisë së Përgjithshme të Burgjeve zhvilluan një kontroll të befasishëm në Institucionin e Ekzekutimit të Vendimeve Penale (IEVP) Durrës.

Gjatë kontrollit, punonjësit gjetën pesë telefona celular të markës iPhone, të cilët janë sende të ndaluara në ambientet e burgut. Telefona u zbuluan të fshehura në dyert e dusheve në Godinën “A”, kati i tretë, Sektori 1.

Dyshohet se telefonat i përkisnin të dënuarve Flamur Kapri, Aldo Prifti dhe Vladimir Ibrushi.

Autoritetet po vijojnë hetimet për identifikimin e personave përgjegjës dhe mënyrën se si janë futur sendet e ndaluara në institucion.

Kontrolli në IEVP Durrës vazhdon.

/rtsh.al/