Leku forcon pozitat ndaj monedhave të huaja
TIRANË, 4 gusht /ATSH/ Në fillim të muajit gusht, leku vijon të forcohet ndjeshëm ndaj valutave kryesore, një trend që nisi prej mesit të qershorit dhe vazhdoni edhe në ditët e para të gushtit.
Sipas të dhënave të publikuara nga Banka e Shqipërisë, dollari amerikan është dobësuar me 1,25 lekë dhe këmbehet me 84,20 lekë; euroja zbriti në nivelin 97,40 lekë ose 0,04 lekë më pak se në fundjavë.
Paundi britanik u zhvlerësua me 0,40 lekë dhe këmbehet me 111,40 lekë ndërsa franga zvicerane u dobësua me 0,56 lekë dhe këmbehet me 104,8 lekë.
Aktorët e tregut vlerësojnë se efekti sezonal i turizmit vijon të ndikojë në zhvlerësimin e valutave.
Fluksi në rritje i turistëve, vizitorëve të huaj si dhe emigrantëve ka shtuar ofertën e valutës në treg duke sjellë forcim të pozitave të monedhës vendase në këmbim me monedhat e huaja.
| Monedha kryesore | Lekë për njësi të monedhës së huaj | |||
|---|---|---|---|---|
| Dollar amerikan | USD | 84.20 | -1.25 | |
| Euro | EUR | 97.40 | -0.04 | |
| Poundi Britanik | GBP | 111.94 | -0.40 | |
| Franga Zvicerane | CHF | 104.18 | -0.56 | |
| Jeni Japonez (100) | JPY | 57.00 | +0.20 | |
| Dollari Australian | AUD | 54.59 | -0.26 | |
| Dollari Kanadez | CAD | 61.12 | -0.47 | |
| Korona Suedeze | SEK | 8.71 | +0.01 | |
| Korona Norvegjeze | NOK | 8.21 | -0.04 | |
| Korona Daneze | DKK | 13.06 | 0.00 | |
| SDR | SDR | 113.91 | -1.87 | |
| Ari (OZ 1) | XAU | 282882.53 | +1,448.32 | |
| Argjend (OZ 1) | XAG | 3142.34 | +26.14 | |
| Juani Kinez (onshore) | CNY | 11.73 | -0.12 | |
| Juani Kinez (offshore) | CNH | 11.73 | -0.11 | |
| Lira Turke | TRY | 2.07 | -0.04 | |
/r.e//a.f/