“Mbyllte gjyqet tek kafeneja”, Malltezi: KLGJ dhe ILD po zvarrisin qëllimisht çështjen e Irena Gjokës! Reforma në drejtësi, mburojë për abuzuesit

Drejtuesi i Departamentit të Mjedisit në PD, Jamarbër Malltezi, akuzon institucionet e drejtësisë për zvarritje dhe mbrojtje të qëllimshme të gjyqtares Irena Gjoka.

Sipas Malltezit, KLGJ ka dërguar tre përgjigje të ndryshme duke pritur verifikime, pavarësisht ekzistencës së dokumenteve me vulë apostile, ndërsa çështja i kalon tashmë ILD-së, e cila prej 8 muajsh e mban në sirtar.

Malltezi e cilëson reformën në drejtësi një “mysybet”, që shërben për të mbrojtur individë të inkriminuar dhe pazare korruptive brenda sistemit.

Reagimi i plotë:

“Jo 1, por 3 përgjigje na ka dërguar mender-KLGJ ku shkruan se po pret përgjigjen e Prokurorisë së Përgjithshme për Irena Gjokën ndonëse kish vërtetim me VULË APOSTILE! Shihni 3 pergjigjet me foto. Tani që ia solli Prokuroria e Përgjithshme ia çon ILD. Lapangjosë! Nuk janë shtetarë por lolo të pushtave të shtetit. ILD ka 8 muaj që gjithashtu e mban në sirtar nga frika. Mysybet reforma për të mbrojtur një delinkuete që mbyllte gjyqet tek kafeneja përballë gjykatores dhe që ia plasën revolen në salle të gjyqit për pazaret”.