Mesfushori Zejnullai largohet nga Egnatia
TIRANË, 3 qershor/ATSH/ Futbollisti Arbin Zenjnullai largohet nga skuadra kampione e Shqipërisë, Egnatia.
Mesfushori fantazist dhe drejtuesit e klubit nuk kanë gjetur marrëveshjen për rinovimin e kontratës, e cila përfundon më 30 qershor. Futbollisti 26-vjeçar ka tërhequr vëmendjen e dy klubeve të kryeqytetit, Partizani dhe Dinamo City.
Mesfushori fantazist shihet si një përforcim i rëndësishëm nga të kuqtë, ashtu si edhe nga trajneri i Dinamos, Ilir Daja. Në ditët në vijim pritet që dy klubet të parashtrojnë ofertat e tyre drejtuar futbollistit.
/a.f/