Ministrja Sala bashkëpunim me Agjencinë Italiane të Barnave për reforma farmaceutike dhe integrimin në Bashkimi Evropian

Ministrja e Shëndetësisë dhe Mirëqenies Sociale, Evis Sala, zhvilloi një takim me përfaqësues të Agjencia Italiane e Barnave, në një moment kyç për reformën farmaceutike në Shqipëri dhe për procesin e integrimit evropian.

Gjatë takimit, ministrja Sala theksoi hapat që po ndërmerren për të përmirësuar aksesin e qytetarëve në barna të sigurta, cilësore dhe efektive, në përputhje me standardet e Bashkimi Evropian. Ajo nënvizoi se prioriteti i institucionit që drejton mbetet modernizimi i sistemit farmaceutik dhe përafrimi i legjislacionit me acquis të BE-së.

Në fokus të diskutimeve ishte edhe ndërtimi i një kuadri të qëndrueshëm bashkëpunimi institucional mes palëve, përfshirë një Memorandum Mirëkuptimi që aktualisht është në shqyrtim. Ky bashkëpunim synon forcimin e kapaciteteve në fusha kyçe si Vlerësimi i Teknologjive Shëndetësore (HTA), farmakovigjilenca, si dhe përmirësimi i politikave rregullatore dhe standardeve të cilësisë.

/rtsh.al/