Moti – E premtja me vranësira dhe reshje shiu, dëborë në verilindje të vendit

Ditën e premte, vendi ynë do të ndikohet nga kushte atmosferike të paqëndrueshme. 

Sipas Shërbimit Meteorologjik Ushtarak, moti parashikohet kryesisht i vranët dhe me reshje shiu me intensitet të ulët në një pjesë të madhe të territorit gjatë orëve të mëngjesit.

Në mesditë dhe pasdite, reshjet e shiut do të lokalizohen kryesisht në relievet kodrinore-malore verilindje–juglindje–jug, ndërsa do të kovertohen në reshje dëbore në verilindje në lartësinë mbi 700–1.000 metra, në juglindje 1.100–1.300 metra mbi nivelin e detit. 

Era do të fryjë me drejtim verilindje–veri me shpejtësi mesatare 12 m/s, ndërsa në bregdet dhe lugina do të arrijë shpejtësinë 23 m/s.

Deti do të ketë një valëzim të forcës 4–6 ballë në detet Adriatik dhe Jon. 

/rtsh.al/