Ndahet nga jeta ish-operatori i RTSH, Pandeli Polena një jetë mes filmit dhe kronikës

Është ndarë nga jeta në moshën 78-vjeçare Pandeli Polena, ish-punonjës i Radio Televizionit Shqiptar. Polena ushtroi detyrën e operatorit në RTSH për shumë vite, institucion ku kontribuoi pas eksperiencës së fituar në ish-Kinostudio.

“Komuniteti që kishim me njëri-tjetrin, predispozitat që të ishim në sheshxhirim, që të bënim çdo sakrificë… Në Kinostudio kishte një rregull që kaloje nga një stad si asistent operator në stadin tjetër. U desh një kohë. Unë këtë e fitova nga filmat që shkoja edhe vetë,” do të shprehet ai vetë në një intervistë për RTSH.

Pandeli Polena e nisi karrierën në terren me xhirimet e filmit “Yjet mbi Drin”, sikundër realizoi edhe pesë filma të tjerë artistikë.

Polena iu bashkua ekipit të Radio Televizionit Publik Shqiptar në Departamentin e Lajmeve. Ai memorizoi ngjarjet kryesore në vend, ndërsa kontributi i tij profesional më i madh ishte në xhirimet e përcjella nga zhvillimet dhe ngjarjet e Parlamentit të Shqipërisë.

Pandeli Polena e mbylli karrierën e tij si operator në RTSH, duke lënë pas një arkiv të pasur të jetës politike dhe parlamentare. Gazetarë dhe bashkëpunëtorët e tij të shumë e quanin ‘kronikan të Parlamentit’.

/rtsh.al/