Ndryshime në arsimin parauniversitar, njohja e diplomave, mbështetje për nxënësit me aftësi ndryshe

Komisioni i Ligjeve shqyrtoi projektligjin “Për një shtesë në ligjin ‘Për sistemin arsimor parauniversitar në Republikën e Shqipërisë’, i ndryshuar”.

Propozimet e paraqitura nga deputetja e Evis Kushi (PS) kanë në thelb trajtimin financiar të mësuesve që kanë përfunduar studimet para hyrjes në fuqi të Sistemit të Bolonjës.

Sipas saj, referuar legjislacionit aktual, diplomat e këtyre mësuesve nuk ekuivalentohen me 8 semestra ndërsa propozonte  të njihen diplomat e  tyre si studime me 8 semestra për efekte page, me qëllim trajtimin e barabartë financiar të kësaj kategorie mësuesish.

Nga Ministria e Arsimit u propozua gjithashtu që në ndryshime të përfshihet edhe rritja e moshës së fëmijëve me aftësi të kufizuara në shkollat speciale, duke marrë parasysh se këta nxënës shpesh e fillojnë arsimin me vonesë krahasuar me bashkëmoshatarët e tyre.

Ndryshimet u miratuan në parim nga deputetët.

/rtsh.al/