Një hap historik për natyrën shqiptare! Rama: UNESCO vlerëson Vjosën, drejt përfshirjes në listën e pasurive botërore

Kryeministri Edi Rama ka ndarë një arritje të madhe për Shqipërinë ëqë shtë shënuar me rekomandimin zyrtar nga UNESCO që Lugina e Vjosës të shpallet Rezervat i Biosferës, një nga vlerësimet më të larta për pasuritë natyrore në nivel global.

Në një postim emocionues, Rama thot se ky vendim është fryt i një pune të gjatë, me vizion të qartë dhe përkushtim të madh nga institucionet shqiptare. “Nuk është një rastësi  është rezultati i punës intensive të Ministrisë së Turizmit dhe Mjedisit, Agjencisë Kombëtare të Zonave të Mbrojtura dhe gjithë specialistëve të përfshirë,” shkruan Rama.

Postimi i plotë:

Një lajm që na mbush me emocion dhe krenari pas një pune të gjatë, me një vizion të qartë:
#UNESCO ka dhënë rekomandimin zyrtar që Lugina e Vjosës të shpallet Rezervat Biosfere ????????
Është më shumë se një vlerësim ndërkombëtar — është njohja ndaj bukurisë së egër të Vjosës, mirënjohja për njerëzit e atyre trevave që jetojnë në harmoni me natyrën dhe për përpjekjet e përbashkëta në mbrojtjen e lumit të fundit të egër të Europës????????????????
Dhe asgjë nuk ka ndodhur rastësisht, por vjen pas një pune shumë intensive të Ministrisë së Turizmit dhe Mjedisit dhe Agjencisë Kombëtare të Zonave të Mbrojtura, nga vizita e parë e Drejtoreshës së Përgjithshme të UNESCO-s Audrey Azoulay në Vjosë në shkurt 2023, e deri te puna e palodhur e specialistëve të zonave të mbrojtura që ndoqën çdo hap me përkushtim e profesionalizëm ????
Vjosa sot nuk është vetëm lumi, por është MODELI i zhvillimit të qëndrueshëm, ku natyra frymëzon ndërsa në shtator të këtij viti pritet miratimi përfundimtar nga Këshilli i Rezervateve të Biosferës të UNESCO-s për përfshirjen e Vjosës në listën e pasurive botërore si një himn për natyrën dhe për njerëzit