PEKIN – Kina konfirmon bisedimet tregtare me SHBA-në në Malajzi
PEKIN, 23 tetor /ATSH-DPA/- Kina dhe Shtetet e Bashkuara te Amerikes kanë planifikuar të vazhdojnë negociatat e tyre në konfliktin e vazhdueshëm tregtar dhe tarifor në Malajzi, tha sot Ministria e Tregtisë në Pekin.
Zëvendëskryeministri He Lifeng do të udhëtojë me një delegacion nga 24 deri më 27 tetor në Malajzi, ku janë planifikuar bisedime tregtare me palën amerikane.
Pala amerikane, pritet të përfaqësohet nga sekretari i Departamentit Amerikan të Thesarit Scott Bessent dhe përfaqësuesi i Departamentit të Tregtisë, Jamieson Greer, ndër të tjerë.
Takimi është planifikuar vetëm pak ditë para një takimi të parashikuar midis presidentit të SHBA-së, Donald Trump dhe presidentit kinez, Xi Jinping, përpara samitit të Bashkëpunimit Ekonomik Azi-Paqësor (APEC) që fillon në fund të tetorit në qytetin e Koresë së Jugut Gyeongju.
Trump pret marrëveshje për “gjithçka”
Trump njoftoi sërish takimin me Xi një ditë më parë në Shtëpinë e Bardhë dhe la të nënkuptohej një marrëveshje tregtare.
“Mendoj se do të bëjmë një marrëveshje”, u tha ai gazetarëve. Pekini ende nuk e ka konfirmuar takimin midis Xi dhe Trump.
“Do të bëjmë një marrëveshje, mendoj, për gjithçka”, tha Trump.
Ai përmendi konkretisht lëndët e rralla të tokës, sojën, fermerët dhe energjinë bërthamore.
Lista e mosmarrëveshjeve midis dy vendeve është e gjatë. Për shembull, Kina ka kërkuar prej kohësh leje për eksportin e lëndëve të para si lëndët e rralla të rëndësishme, ku ka ndërtuar një monopol virtual, i cili ka shkaktuar vështirësi të mëdha për industrinë jashtë vendit.
Për më tepër, blerjet e sojës nga SHBA-ja nga Kina kanë rënë ndjeshëm, duke bërë që fermerët amerikanë të humbasin një nga blerësit e tyre kryesorë. //a.i/