Parashikimi i motit, e diela parashikohet me mot të kthjellët dhe temperatura të larta

Ditën e diel (14 qershor) vendi ynë do të ndikohet nga kushte atmosferike të qëndrueshme.

Sipas Shërbimit Meteorologjik Ushtarak (SHMU), moti parashikohet i kthjellët në të gjithë territorin përjashtuar vranësirat e pakta kalimtare kryesisht në orët e mesditës dhe ato të pasdites.

Era do të fryjë me drejtim veriperëndim – jugperëndim me shpejtësi mesatare 8 m/s, ndërsa përgjatë vijës bregdetare dhe zonat luginore era hera-herës me shpejtësi deri në 10 m/s.  

Valëzimi në detet Adriatik dhe Jon do të jenë të forcës 2-4 ballë.

/rtsh.al/