Përfundon dreka e mortit/ Meta përshëndetet me familjarët dhe miqtë dhe niset drejt qelisë

Pas ceremonisë mortore të të atit, ish-presidenti Ilir Meta është nisur nga Çepani për t’u kthyer në qeli, në burgun 313.

Meta është takuar me familjarët dhe miqtë nën shoqërinë e policisë së burgut pas drekës së mortit dhe më pas iu drejtua furgonit të policisë, duke iu drejtuar qelisë.

Kreu i PL ishte sot në Çepan të Skraparit për t’i dhënë lamtumirën babait të tij, që humbi jetën në moshën 83-vjeçare.

Amaneti i Rexhep Metës ishte ajo e banesës së fundit në Çepan , në një ceremoni që nuk qe aspak private për shkak të interesimit të lartë mediatik.

Kujtojmë se, Ilir Meta ndodhet në paraburgim që prej tetorit 2024.