Pranvera Skana emërohet zëvendësministre e Mbrojtjes
TIRANË, 1 prill /ATSH/ Këshilli i Ministrave miratoi gjatë mbledhjes së sotme të qeverisë dy ndryshime në Ministrinë e Mbrojtjes.
Andrea Shllaku u lirua nga detyra e zëvendësministrit të Mbrojtjes, ndërsa në vend të tij u emërua Pranvera Skana.
Vendimi, i mbështetur në nenin 100 të Kushtetutës dhe ligjin “Për organizimin dhe funksionimin e Këshillit të Ministrave”, u miratua me propozimin e Kryeministrit.
Ky vendim hyn në fuqi menjëherë dhe botohet në “Fletoren zyrtare”.
Andrea Shllaku mbajti detyrën si zëvendësministër i mbrojtjes që prej 19 dhjetor 2025.
/m.q/j.p/