RUSI – Kremlini: Sulmet ukrainase nuk favorizojnë një takim Putin-Zelensky
MOSKË, 18 qershor /ATSH-ANSA/ – Bombardimet e fundit ukrainase të Rusisë nuk po ndihmojnë në promovimin e një takimi midis Presidentit ukrainas Volodymyr Zelensky dhe Presidentit rus Vladimir Putin, deklaroi këshilltari presidencial rus Yuri Ushakov.
“Sigurisht, e gjithë kjo nuk inkurajon kontakte të tilla personale”, tha Ushakov, duke iu referuar qindra dronëve të lëshuar ditët e fundit mbi Rusinë.
Kujtojmë se njëri prej tyre goditi një autobus në rajonin e Bryansk që mbante një ekip të të rinjve bjellorusë të futbollit, duke vrarë një dhe duke plagosur gjashtë persona, katër prej të cilëve të mitur. /os/