Rama: Fushatën e 11 majit e çelim nesër me cikël takimesh në të njëjtën kohë

TIRANË, 10 prill /ATSH/ Kryeministri Edi Rama iu përgjigj sot live pyetjeve të adresuara në platformat sociale nga qytetarët.

Kreu i qeverisë foli për çeljen e fushatës ditën e nesërme.

Rama u shpreh se fushata do të nisë me një cikël takimesh që do të zhvillohen në të njëjtën kohë.

“Nesër është dita e rënies së gongut zyrtar të fushatës së 11 majit dhe ndryshe nga të gjitha herët e tjera nesër do ta nisim fushatën zyrtare me një cikël takimesh që do të zhvillohen në të njëjtën kohë dhe natyrisht që në këtë cikël takimesh që do të zhvillohen në të njëjtën kohë ne do të jemi së bashku me fuqinë tonë kryesore që janë gratë dhe vajzat”. /j.p/