Kryeministri Edi Rama ka deklaruar se protesta kundër projektit në Zvërnec ka humbur karakterin qytetar dhe është shndërruar në një protestë me natyrë politike.

Gjatë fjalës së mbajtur në 35-vjetorin e Partisë Socialiste, Rama tha se forca të ndryshme politike po përpiqen të përfitojnë nga pakënaqësitë e qytetarëve për të fituar mbështetje.

Sipas tij, investimi në Zvërnec po sulmohet përmes informacioneve të pavërteta dhe propagandës së shpërndarë në rrjetet sociale.

“Jam shumë i qartë që protesta është kthyer me natyrë politike”, deklaroi kreu i qeverisë.

Ai ftoi qytetarët që të verifikojnë faktet dhe të mos bien pre e manipulimeve.