SHBA – Hegseth: SHBA-ja dhe Izraeli do të intensifikojnë sulmet ndaj Iranit

UASHINGTON, 10 mars /ATSH/- Forcat amerikane nuk do të tërhiqen nga sulmet e tyre ndaj objektivave iraniane, tha sot sekretari i Mbrojtjes Pete Hegseth në një konferencë për shtyp në Uashington.

“Ne nuk do të tërhiqemi derisa armiku të mposhtet plotësisht dhe në mënyrë vendimtare”, tha ai.

“Për shembull, sot do të jetë përsëri dita jonë më intensive e sulmeve brenda Iranit. Më shumë avionë luftarakë, më shumë bombardues, më shumë sulme, inteligjenca më e rafinuar dhe më e mirë se kurrë”, tha Hegseth.

Ai vuri në dukje gjithashtu se në 24 orët e fundit, Irani ka lëshuar numrin më të ulët të raketave që ka qenë në gjendje të qëllojë deri më tani.

Presidenti i SHBA-së Donald Trump tha të shtunën, se Irani do të goditet shumë rëndë dhe se vendi tashmë po shkatërrohet nga sulmet e vazhdueshme të SHBA-së dhe Izraelit.

“Zonat e Iranit që nuk janë shënjestruar më parë do të merren seriozisht në konsideratë për shkatërrim të plotë dhe vdekje të sigurt”, shtoi ai. //a.i/