SHBA – Trump: Jo shumë i kënaqur me përmbajtjen e negociatave me Iranin
UASHINGTON, 27 shkurt /ATSH-AFP/ – Presidenti amerikan, Donald Trump deklaroi sot se nuk ishte shumë i kënaqur me përmbajtjen e negociatave në vazhdim me Iranin.
“Nuk jam i kënaqur që iranianët nuk duan të na japin atë që na duhet. Nuk jam shumë i kënaqur. Do të shohim se çfarë do të ndodhë”, u tha presidenti amerikan gazetarëve.
“Do të kemi më shumë diskutime sot”, shtoi ai.
Ai deklaroi gjithashtu se nuk kishte marrë një vendim përfundimtar për sulmet e mundshme të SHBA-së kundër Iranit./ a.jor.