SHBA – Trupat amerikane marrin kontrollin e një tjetër tankeri venezuelian me naftë

UASHINGTON, 15 janar /ATSH-DPA/ – Forcat amerikane kanë marrë sërish kontrollin e një tankeri nafte në Karaibe, njoftoi sot ushtria.

”Trupat këmbësore dhe detare morën kontrollin e tankerit ‘Veronica’ në orët e para të mëngjesit”, tha Komanda Jugore e SHBA-së në një postim në X.

Operacioni u krye pa incidente.

Sekretarja e Sigurisë së Brendshme të SHBA-së, Kristi Noem shkroi në X se anija ishte një tanker i sanksionuar që më parë kishte kaluar në ujërat venezueliane dhe kishte shkelur një bllokadë të vendosur nga presidenti Donald Trump.

Ndalimi i tankerit është pjesë e një seri veprimesh të ngjashme në javët e fundit, pas njoftimit të presidentit Trump për një bllokadë totale dhe të plotë të të gjitha tankerave të sanksionuar që udhëtojnë drejt dhe nga Venezuela.

Ai akuzoi vendin e Amerikës së Jugut se po vidhte naftë, toka dhe pasuri të tjera nga Shtetet e Bashkuara dhe tha se këto pasuri duhet të ktheheshin.

”E vetmja naftë që del nga Venezuela do të jetë ajo që koordinohet në mënyrë të duhur dhe ligjore”, tha Komanda Jugore e SHBA-së në postimin për operacionin e saj të fundit./ /Ad.Ab./ a.jor.