“Shqipëria e Bukur”, Rama ndan pamje nga Bjeshkët e Oroshit

TIRANË, 18 korrik /ATSH/ Kryeministri Edi Rama ka ndarë sot pamje nga Bjeshkët e Oroshit, Kryezi dhe Fushë-Arrëz, në kuadër të rubrikës së përditshme “Shqipëria e Bukur”, që synon të promovojë vlerat natyrore dhe turistike të vendit.

Në një postim në rrjetet sociale, Kryeministri ka publikuar video që pasqyrojnë peizazhet mahnitëse të kësaj zone malore, të njohur për natyrën e virgjër, pasuritë pyjore dhe bukurinë e saj të rrallë.

Rubrika “Shqipëria e Bukur” vijon të sjellë çdo ditë për qytetarët dhe vizitorët imazhe nga zona të ndryshme të vendit, me qëllim rritjen e promovimit të potencialit turistik shqiptar.

/a.f//r.e/