Strehimi, mbushen azilet, nuk ka vende te lira

Fenomeni i braktisjes se te moshuarve ka pasur rritje te ndjeshme. Sherbimi Social Shteteror ka deklaruar dje se, gjate ketij viti, eshte rritur ne masen 10 per qind kerkesa per strehim ne qendra sociale. "Deri tani ka pasur 80 kerkesa per strehim te te moshuarve neper shtepi te moshuarish", treguan dje burime nga SHSSH. Keshtu, mesohet se 5 qendra rezidenciale dhe dy ditore, qe Sherbimi Social Shteteror inspekton, kane ofruar gjate ketij viti sherbime sociale per 233 te moshuar me probleme te thella social-ekonomike. "Ne krahasim me nje vit me pare, kete vit jane sistemuar ne institucionet e perkujdesit edhe 39 te moshuar, te cilet aktualisht trajtohen ne qendrat e siperpermendura", deklaruan te njejtat burime. Aktualisht, shtepite e te moshuarve po punojne me kapacitet te plote dhe nuk ka vende te lira, per arsye te rikonstruksionit qe po u behet godinave ne Tirane e ne Kavaje. Ne kuader te zgjerimit te kapaciteteve institucionale, shtimit te tipologjive te sherbimit social, perballe nje fluksi kerkesash per perkujdesje sociale ne institucionet tona, gjate vitit aktual eshte vene ne funksionim qendra ditore Kamez, qe ofron sherbime perreth 30 kliente te moshuar. Sipas Sherbimit Social Shteteror, nje nga pikesynimet e ketyre qendrave ka qene sensibilizimi i shoqerise lidhur me problemet e moshes se trete. Integrimi i te moshuarve ne institucionet ne fjale eshte ndjekur sipas planeve te punonjesve sociale, te hartuar per kete qellim.
Shperndarja gjeografike:
Tirane, trajtohen 27 te moshuar
Shkoder, trajtohen 64 te moshuar te braktisur
Kavaje, trajtohen 27 te moshuar
Fier, trajtohen 60 te moshuar
Gjirokaster, trajtohen 55 te moshuar
Qendra Ditore Kamze, 30 te moshuar
Qendra Ditore Elbasan, 45 te moshuar etj