Tritol automjetit të mjekes në Tiranë, pronarja e makinës mohon të ketë konflikte

Një sasi tritoli shpërtheu sot në orën 4 të mëngjesit, në një makinë që ndodhej në parkingun e një spitali privat në Qytetin Studenti.

Policia bëri të ditur se automjeti është në pronësi të Matilda Kajas, e cila punon si mjeke në spitalin privat.

Kjo e fundit, në deklarimet e saj në polici, mohoi të ketë konflikte. Sipas saj, personat të cilët vunë tritolin mund të kenë pasur shënjestër spitalin dhe jo atë vetë.

Ndërkohë, kamerat e sigurisë tregojnë se autori i maskuar e vendosi eksplozivin në gomën e parë të automjetit dhe më pas është larguar në rrugicat e lagjes.

/vizionplus.tv