U përmend si surpriza e nëntorit, por emri i Asanit mungon në listë

Jasir Asani nuk do të jetë pjesë e Kombëtares shqiptare për ndeshjet e muajit nëntor. Pavarësisht zërave që qarkulluan ditët e fundit për një rikthim të mundshëm të sulmuesit, trajneri Rolando Maran ka vendosur të mos e përfshijë atë në listën e fundit të kuqezinjve.

Emri i Asanit ishte përmendur nga një gazetar në Iran, i cili kishte raportuar se futbollisti mund të merrte një ftesë nga Shqipëria për sfidat e radhës. Megjithatë, publikimi i listës zyrtare ka shuar këto shpresa.

Kështu, sulmuesi 30-vjeçar i Esteghlalit do të vijojë të jetë jashtë përfaqësueses shqiptare, ndërsa Maran duket se ka zgjedhur alternativa të tjera për repartin ofensiv.

Mbetet për t’u parë nëse Asani do të rikthehet në planet e trajnerit italian në grumbullimet e ardhshme.