VIDEO/ Rama uron me një video nga Elbasani: Nga qyteti që na sjell verën, ju uroj një fundjavë plot diell

Festa tradicionale e Dita e Verës ka mbërritur edhe këtë vit duke sjellë atmosferë festive, ngjyra pranvere dhe aktivitete të shumta në disa qytete të vendit.

Kjo festë, që simbolizon ndërrimin e stinëve dhe ardhjen e pranverës, ka nisur që në mbrëmjen e 13 marsit me përgatitjen e gatimeve tradicionale, ku në çdo familje nuk mungon ëmbëlsira karakteristike, Ballokume.

Festimet më të mëdha, si çdo vit, zhvillohen në Elbasan, qytetin që konsiderohet edhe qendra tradicionale e kësaj feste. Ndaj dhe kryeministri Edi Rama e lidh urimin e tij pikërisht me këtë qytet.

“Dhe nga qyteti që na sjell verën, ju uroj një fundjavë plot diell“, shkruan Rama teksa poston një video nga qyteti i Elbasanit.