1 Maji, mijera ne proteste per punen

Bashkimi i Sindikatave te Kosoves shfrytezoi dje 1 Majin, Diten Nderkombetare te Punetoreve, per te kerkuar ne nje manifestim ne Prishtine, permiresimin sa me te shpejte te kushteve te punetoreve. Disa mijera punetore dhe pensioniste, pjesemarres ne proteste, kerkuan garantimin me ligj te te drejtave te punetoreve, zbatimin e kontrates kolektive, privatizim te drejte dhe kthimin e fondeve perkatese ne Kosove. Me moton "Protestoni per te drejtat tuaja", u kerkua te merren masa te menjehershme per permiresimin e gjendjes se rende te punetoreve. Kjo pasi Bashkimi i Sindikatave te Pavarura te Kosoves , qe ka organizuar protesten, vlereson se ne Kosove ka shkelje sistematike te te drejtave te punetoreve. "Qeveria e Kosoves, tashme pas krijimit te shtetit, duhet te perqendrohet ne permiresimin e pozites se te punesuarve, si ne sektorin publik, po ashtu edhe ne ate privat", deklaroi ne tubim, kryetari i BSPK, Haxhi Arifi. Ai vleresoi se ne Kosove, format dhe menyrat e shkeljes se te drejtave te punetoreve jane nga me te ndryshmet. "Shume punetore, sidomos ne sektorin privat, vecmas ne ekonomine joformale, nuk kane kurrfare statusi te punetorit, nuk kane kontrate pune, nuk kane orar te caktuar, por punojne edhe 12 ore ne dite, pa ua paguar punen jashte orarit, nuk kane sigurim shendetesor, pensional apo invalidor, pagat nuk u jepen me rregull, ndersa nuk kane as mjete te mbrojtjes teknike ne pune", evidentoi kryetari i sindikatave.