15 milionë dollarë për Obamën

Në gala darkën e donatorëve, të organizuar nga aktori George Clooney, presidenti amerikan, Barack Obama ka rritur që të enjten mbrëma të grumbullojë 15 milionë dollarë për fushatën e tij presidenciale.

"Kemi mbledhur shumë para, sepse të gjithë e duan Geoege’n”, tha në mahi, presidenti Obama, derisa po iu drejtohej të pranishmëve.

Afro 150 donatorë, në mesin e të cilëve ishin edhe shumë yje hollivudiane, morën pjesë në gala darkën e organizuar në kopshtin e vilës së Clooney, në Hollywood.

"Njerëzit mua më duan, por ata e admirojnë George Clooney’n”, shtoi Obama.

Në mesin e të ftuarve ishin edhe Jack Black, Billy Cristal, Salma Hayek,

Barbara Straysand, kreatorja Dianna Von Furstenberg, etj.

Gjatë mbrëmjes Obama zuri në gojë deklaratën e tij për përkrahjen e martesave homoseksuale, e cila pati jehonë të madhe në SHBA de në botë.

"Është e vërtetë që ky është një vazhdim logjik i asaj që përfaqësojnë SHBA. Ne jemi shtet që e pranon çdokënd, dhe që sillet njëjtë me secilin. A do të na bëjë kjo edhe më të fuqishëm? Mendoj se po, dhe pikërisht për këtë bëhet fjalë këtu”, theksoi kandidati demokrat për zgjedhjet presidenciale amerikane, që mbahen më 6 nëntor.