17.4 milionë dollarë për Warhol
Nga Express më 18 shkurt 2011 në ora 08:48
Autoportreti i Andy Warhol, i bërë nga artisti në vitin 1967, është shitur të enjten në një ankand për 17.4 milionë dollarë. Ky është njëri ndër 11 autoportretet që pop-artisti i bëri atë vit.
Piktura, e realizuar në ngjyrë të bardhë dhe të kuqe, me dimensione 1.8x1.8 metra, ishte pronë private që nga viti 1974.
Nuk është pritur që, në ankandin e mbajtur në Londër, çmimi për këtë pikturë të arrinte një shumë më të lartë se pesë milionë dollarë.
Ndryshe, kur e realizoi këtë pikturë, e cila për herë të parë u prezantua në Expo, në Montreal, në vitin 1967, Warhol ishte në kulmin e famës së tij.
Warhol, që është emri më i madh i lëvizjes së pop-artit, ka vdekur në vitin 1987, në moshën 59-vjeçare.