19 % e fëmijëve nën 5 vjeç janë të shkurtër, shkak kequshqyerja

19 përqind e fëmijëve nën moshën pesë vjeç janë më të shkurtër se gjatësisa normale për shkak të keq ushqyerjes. Pjesa më madhe e këtyre rasteve është e përqëndruar në zonat malore. Ndërkohë që 5 përqind e fëmijëve nën pesë vjeç janë nën peshë për shkak të keq ushqyerjes. Këto të dhëna u bënë publike gjatë një aktiviteti për zvogëlimin e kequshqyerjes së fëmijëve shqiptarë.
Ndërkohë drejtori i shëndetit publik në ministrinë e shëndetësisë Gazmend Bejtja ka theksuar edhe njëherë faktin se shkaqet e kësaj kequshyerje janë të shumta, si mungesa e informimit, varfëria, mungesa e arsimimit e tjerë.