"21 Janari", asnje urdher per te qelluar Edmond Hoxhaj

Asnje urdher nuk u eshte dhene gardisteve, per te qelluar me arme zjarri mbi demonstruesit gjate protestes se 21 Janarit. Ky fakt eshte konkluduar ne procesverbalin e mbajtur prej nderlidhesit te gardes, lidhur me komunikimet e kryera ne radiomarrese mes drejtuesve dhe gardisteve te tjere qe ishin duke kryer detyren. Ne komunikimet qe ata kane pasur me njeri-tjetrin nuk rezulton te jete dhene urdher per t'u qelluar, por thjesht jane dhene sugjerime per kontrollimin e situates. Lajmi eshte bere dje i ditur per gazeten, nga burime prane organit te akuzes, ku dhe eshte verifikuar procesverbali ne fjale. Nderkaq, burimet shtojne se, vete gardistet e marre ne pyetje kane pohuar se, nuk u eshte dhene ndonje urdher per te qelluar mbi demonstruesit, por se vetem kane zbatuar ligjin dhe rregulloren. Edhe drejtuesit e gardes kane deklaruar se komunikimi qe kane pasur me vartesit ka pasur te beje me menaxhimin e situates dhe mbrojtjen e ligjit. Ata kane deklaruar se kane qelluar ne ajer dhe se kane perdorur plumba manover ose gome. Pritet qe ne ditet ne vazhdim prokuroria te kryeje nje ri-ekspertim te vendit te ngjarjes, me qellim konkludimin perfundimtar te faktit se gardistet kane qelluar ose jo drejt viktimave te 21 janarit. Kjo, per vete faktit se nje prej predhave te sekuestruara, ka konkluduar qe te kete pasur kontakte me sende te tjera, para se te godiste trupin e Ziver Veizit, ku edhe u gjet. Sipas eksperteve predha ka pasur demtime ne anet e saj. Burimet saktesojne se hetuesit kane ngritur dyshime lidhur me trajektoren qe mund te kete pershkruar predha, pasi gjate kontakteve me sende te tjera mund ta kete ndryshuar drejtim. Gjate eksperimentit do te verifikohet nese ka pasur mundesi te qellohej drejt viktimave, prej vendndodhjes se gardistit te akuzuar drejt Veizit. Eksperimenti do te kryhet me manekine, te cilet do te zevendesojne viktimat dhe me ane te nje fije spangoje, do te percaktohet drejtimi. Nese konkludohet se nuk eshte qelluar ne drejtim te viktimave, prokuroria mund te ndryshoje akuzen ndaj gardisteve, ne ate te vrasjes nga pakujdesia. Gjate hetimit eshte konkluduar se disa prej demonstruesve nuk jane qelluar me arme zjarri, por me predha gome. Nderkaq, prokuroria dhe policia po hetojne edhe lidhur me organizimin e demonstrates se dhunshme te 21 janarit. Tabulatet telefonike te celulareve te rreth 145 personave i jane percjelle Drejtorise se Pergjithshme te Policise per transkiptim. Kjo, me qellim verifikimin e ndonje thirrje apo mesazhi telefonik, ku eshte urdheruar dhuna mbi punonjesit e policise. Burimet pohojne e nisur nga fakti qe nje pjese e vogel e demonstruesve ishte pajisur me arme te ftohta dhe bomba artizanale molotov, ka ngritur dyshimet per nje organizim te mundshem te protestes. Nderkaq, prokuroria i ka percjelle gjykates per shqyrtim dosjet ndaj 10 te pandehurve per ushtrim te dhunes gjate 21 Janarit. Gjate demonstrates se organizuar nga opozita, rreth 150 protestues te pajisur me shkopinj, tulla e bomba molotov, u jane versulur punonjesve te policise duke i qelluar. Madje, nje prej demonstruesve ka goditur me automjetin e tij tip "Benz" porten e rrethimit te jashtem te godines se Kryeministrise, duke e shkaterruar ate. Gjate perleshjes, mbeten te vrare 4 protestues dhe u plagosen dhjetera efektive te policise.

Verifikimi

Gjate verifikimit te procesverbalit te mbajtur nga nderlidhesi i Gardes lidhur me komunikimet e kryera ne radio-marrese gjate demonstrates se 21 Janarit, ka rezultuar se nuk ka pasur urdhra per te qelluar me arme zjarri kundrejt turmes se njerezve. Gjate komunikimeve te kryera eshte biseduar vetem lidhur me menaxhimin e situates

Deshmite

Gardistet e pyetur, kane deklaruar para hetuesve se nuk kane pasur urdhra per te qelluar me arme zjarri, por se kane zbatuar vetem ligjin dhe rregulloren. Ata kane sqaruar se gjithe komunikimet qe jane kryer mes eproreve dhe vartesve, kane pasur si qellim menaxhimin e situates

Organizimi

Prokuroria ka derguar per ekspertim tabulatet telefonike te rreth 145 personave te cilet akuzohen se gjate demonstrates se 21 janarit kane kundershtuar me force punonjesit e policise duke i goditur ata me sende te forta e bomba artizanale molotov. Ky veprim i prokurorise eshte kryer me qellim zbulimin e ndonje organizatori te mundshem te demonstrates. Keshtu, nese do te verifikohet se te pandehurit kane marre thirrje ose mesazhe telefonike nga drejtues te opozites, ku eshte kerkuar ushtrimi i dhunes, do te filloje hetimi ndaj te dyshuarve si organizator.