35 vjet burg, per dy pedofilet angleze

Tirane-Perfundon procesi gjyqesor ndaj dy britanikeve te akuzuar per pedofili. Gjykata e Tiranes, pas nje procesi qe zgjati afro dy vjet, shpalli fajtor Dino Kristudulu 45 vjec dhe Robin Arnold 56 vjec, duke i denuar ata me 35 vjet burg. Vendimi eshte dhene dje nga kryetarja e trupit gjykues, Shefkie Demiraj, e cila gjate leximit te vendimit tha se ne perfundim te ketij procesi, trupi gjykues denon me 20 vjet burg Dino Kristodoulun dhe me 15 vjet Robin Arnold. Dy britaniket, akuzohen per marredhenie homoseksuale me te mitur, me me shume se nje person. Ata kishin punuar si vullnetar ne qendren bamirese "Femijet e tij", ku bashke me drejtuesin e qendres, qe cilesohej "babai i femijeve", Devid Braun, (i denuar me 20 vjet burg), kane abuzuar seksualisht me femijet, paperkrahje te strehuar ne kete qender, qe me se shumti kane qene te komunitetit rom. Gjykata e Tiranes, vendosi gjithashtu qe ne dy britaniket te shpallen persona te padeshiruar, qe do te thote se pas perfundimit te denimit, ata nuk kane te drejte te shkelin me token shqiptare. Dy britaniket do te vuajne denimin ne nje burg te sigurise se larte, per shkak te rrezikshmerise shoqerore. Vendimi i dhene dje nga gjykata, u bazua ne te gjithe provat e prokurorise, si dhe ne deshmite kyce te ish punonjeseve te qendres dhe vete femijeve, te cilet jane abuzuar seksualisht nga drejtuesit e shtepise bamirese. Nje seance me pare prokuroria kerkoi 39 vjet burg per dy anglezet e akuzuar, 22 vjet burg per Dinon dhe 17 vjet per Robin.
Skandali
Skandali i abuzimit seksuale me femijet e mitur, u zbulua ne vitin 2005. Nje prej femijeve te mitur, i kapur per vjedhje ka deklaruar ne polici se ishte abuzuar seksualisht nga Devid Braun. Pas hetimeve dhe mbylljes se kesaj qendre, ku ishin strehuar rreth 32 femije, u zbulua se kishte edhe te tjere te mitur, me te cilet drejtuesit e qendres, kryenin marredhenie seksuale. Sipas hetimeve te kryera, ka rezultuar se fondacioni "Femijet e tij", ka sherbyer si nje qender per pedofilet nga e gjithe bota. Gjate aktivitetit te saj 6-vjecar, ne kete shtepi, ne periudha kohore te ndryshme kane ardhur pedofile nga Anglia, Skocia dhe Irlanda, te cilet kundrejt pageses kane kryer marredhenie seksuale dhe homoseksuale me femijet. Sipas hetimeve, pedofilet maskoheshin si vullnetare, te cilet vinin per t'u kujdesuar per femijet jetime. Nga hetimet rezultoi se mes te dhunuarve ishin femije nga komuniteti rom, si dhe te mitur me prinder te divorcuar nga Tirana dhe rrethet. Nje vend te rendesishem ka zene gjate procesit hetimor e gjyqesor dhe mendohen si prova mjaft te rendesishme, edhe rrefimet e te miturve qe jane dhunuar seksualisht. Ekspertiza mjeko-ligjore ka zbuluar se disa femije qe jane dhunuar seksualisht, kane qene te moshes nga 6 deri ne 12 vjec.